Alfonso Rueda: "Vigo e a súa Área Metropolitana seguirán sendo prioritarias para a Xunta"

Vigo

Alfonso Rueda pechou a quenda de entrevistas en Hoy por Hoy Vigo. O candidato do Partido Popular falou para os oíntes de Radio Vigo no último día de campaña. Asegurou que a súa mensaxe foi claro e que espera que non se importe a Galicia o "barullo que hai noutras autonomías". Con respecto a Vigo espera poder contar con catro anos máis para poder sacar adiante e terminar proxectos como o Centro Integral de Saúde Olimpia Valencia, o Centro do Asociacionismo, o Plan Navia con máis de 1.600 vivendas ou a recuperación do Cinema Fraga para facer un Centro Cultural de Galicia. Alfonso Rueda tamén reiterou que, se repite catro anos máis, o Vigo-Porto será unha prioridade para o seu goberno pero lembra que depende do Ministerio de Transportes axilizar a saída sur de Vigo e a modernización do tramo ata Guillarei. Tamén apremiou ao Goberno Central a potenciar o Corredor Atlántico e a explicar cantas frecuencias do AVE chegarán a Galicia. Rueda marcouse obxectivos como a creación de máis chan industrial, as infraestruturas como a VAC Tui-A Guarda e potenciar a Stellantis e ao sector pesqueiro.