Como combater o nesgo machista na Intelixencia Artificial

Vigo

"Peneirando as desigualdades, Cara a un horizonte feminista". Este é o lema escollido este 2024 pola Universidade de Vigo para o Día Internacional da Muller. Organizaron múltiples actos para conmemorar este 8-M, pero seguen traballando, durante todo o ano, dende a Unidade de Igualdade para poder desenvolver importantes iniciativas e actividades. Este ano quixeron facer unha reivindicación da muller creativa e creadora de contido, e púxose o foco nos nesgos sexistas que se producen na Intelixencia Artificial xenerativa. Coa directora da Unidade de Igualdade, Águeda Gómez, comezamos unha nova tempada de Bata, Bota e Bits da man da Universidade de Vigo.