A Costa da Morte rexistra un descenso do paro de 114 persoas quedando a cifra total de parados en 5.003

Costa da Morte

O mes de marzo rexistrou na Costa da Morte un novo descenso do desemprego. Segundo os datos coñecidos este martes, Marzo remata con 114 parados menos dos que había ao empezar o mes, un descenso xeneralizado en toda a zona na que só 3 concellos non tiveron redución de desemprego.

Por comarcas a de Bergantiños deixou unha baixada de 28 persoas nas listas do paro, a Comarca de Fisterra rexistra un descenso de 56 e na Terra de Soneira baixa o paro en 17 persoas.

Os catro concellos onde non baixou a cifra de parados son Laxe cun incremento de 9 parados, Vimianzo con 6 parados máis, A Laracha cun incremento de 2 parados e Cee, onde non varía o dato con respecto a febreiro.

Pola contra, os concellos con maior descenso do desemprego son Fisterra con 27 parados menos, Coristanco con 20, Camariñas con 17 e Muxía con 15 persoas menos na lista do paro.

O dato interanual indica que Marzo rematou con 1.001 parados menos na Costa da morte que en marzo de 2023.