Sandiás acolle un obradoiro de Costura para todos os públicos
O obradoiro de costura realizarase o 25 de abril en Sandiás e estará impartido por Geni Losada
Sandiás
O local social do Concello de Sandiás acollerá un curso de costura o vindeiro 25 de abril. A inscrición pode facerse até o mesmo día no teléfono do consistorio: 988 46 50 01.
O obradoiro está aberto a todas as idades e niveis e estará dirixido por Geni Losada, ten como finalidade lograr dominar o trazado dos patróns, o corte das pezas e controlar o uso das ferramentas de costura máis importantes. Tamén se poderá aprender todo tipo de arranxos e modernización de pezas.
Natural de Piñeira de Arcos, aínda que non vive na comarca da Limia dende fai máis de 40 anos, Genita pasa nove meses ao ano na súa terra e faille ilusión "dedicarse á xente do meu pueblo".
No obradoiro de costura non só se aprenden cousas de costura, tamén é un espazo para compartir, afirma Geni Losada á que hoxe entrevistamos en Hoy por Hoy A Limia.
