Elvira Lama: "Xinzo viviu practicamente de costas ao río"

Xinzo de Limia

En Hoy por Hoy A Limia falamos con Elvira Lama, voceira do grupo socialista no Concello de Xinzo de Limia sobre asuntos de actualidade. En primeiro lugar, a que foi alcaldesa do municipio destaca a importancia das actuacións de eliminación de vertidos incontrolados ao río Limia, en tanto "Xinzo foi un municipio que viviu de costas ao río". Lama quixo lembrar que as actuacións responden a un convenio asinado en marzo do 2023. Ademais lembra que esta será a primera fase e que "está pendente de redactar o proxecto e unha segunda actuación que será máis visible para uso e desfrute da veciñanza".

Doutro lado, a socialista falou de dous aspectos que se trataron no último pleno da capital comarcal. En primeiro lugar, a aprobación da suba das taxas nas instalacións deportivas por ser un servizo "deficitario", segundo explicou o actual rexedor Amador Díaz. O PSOE votou en contra, unha decisión que Lama argumentou nos nosos micrófonos.

En terceiro lugar, Lama falou sobre a necesidade de que a Confederación Hidrográfica Miño-Sil que inicie a segunda fase do proxecto do mosteiro do Bon Xesús de Trandeiras. Precisamente, o PSdeG-PSOE de Ourense mantivo unha reunión con representantes socialistas na Limia estes días para analizar as necesidades da bisbarra.