O monte é teu, coñece os parques forestais de Pontevedra

O Concello de Pontevedra ven de propoñer novas actividades do programa “O monte é teu” para coñecer e gozar dos parques forestais: Pontillón do Castro, A Fracha e A Tomba, e poñer en valor este anel verde perimetral da cidade.

É un calendario de 19 actividades que abrengue os fins de semana dende o 18 de maio até o 16 de xuño.

Todo o catálogo de actividades está accesible na web montes.pontevedra.gal ou en apuntate.pontevedra.gal, onde se poden consultar as primeiras das actividades, datas, idades de participación, material recomendado, así como o formulario de inscrición. Todas son de balde e requiren de preinscrición que se fará a través das citadas webs con formularios en liña.

As actividades por montes son:

A Fracha:

• O bestiario máxico. 18 maio
• Lugares máxicos. 25 de maio
• Observación de bolboretas. 26 de maio
• Observación de flora e fauna. Rastros e pegadas. 1 xuño
• Concerto: contos no monte. 2 de xuño
• A natureza como espazo creativo. 15 de xuño

A Tomba:

• Máis que vento e fibra. Funcións e valores do noso monte. 19 de maio
• Baños de bosque. 25 de maio
• Contacontos sobre a natureza con música. 1 de xuño
• Coñece os cantos das aves e fabricación de caixas niño. 2 de xuño
• Observación solar. 16 de xuño
• Ioga en familia. 8 de xuño
• Buscando o Norte. Actividades de orientación con mapa. 9 de xuño

Pontillón do Castro:

• Observación astronómica nocturna. 31 de maio
• A procura do tesouro: Geocaching. 2 de xuño
• A música da natureza. Construción de instrumentos musicais con elementos naturais. 8 de xuño
• Iniciación ao Kaiak. 9 de xuño
• Os xoguetes de sempre. 9 de xuño
• Observando macroinvertebrados. Os pequenos habitantes dos ríos. 15 de xuño