A Arca da Noe gaña o seu terceiro Martin Códax
A sala de Vilar de Santos foi nomeada cinco veces como a mellor de Galicia
Imaxe dun concerto na Arca da Noe / A Arca da Noe,
Vilar de Santos
A Arca da Noe gaña por terceira vez os premios Martin Códax na categoría de mellor sala de concertos. Era a quinta vez que este local estaba nomeado nesta categoría.
A gala celebrouse onte en Pontevedra, onde Noemí Vázquez asistiu para "celebrar a música e a calidade que temos neste país".
A Arca da Noe estaba nomeada xunto coa Pousada da Galicia Imaxinaria de Boiro e sala Mardigrás da Coruña. A actividade continúa neste local, que o domingo celebra o Mercado de Artesanía e produto local cunha proposta musical que inclúe a actuación de Mondra.