Luís Tosar: "Todo isto foi unha sorpresa constante e é maravilloso"

A Coruña

Arrancou a Semana Internacional de Cinema de Betanzos, que celebra a súa 21ª edición co Cine Alfonsetti como epicentro. Este ano, o certame está dedicado á traxectoria do actor Luis Tosar, quen recibirá tamén a Medalla de Galicia 2024, xunto coa realizadora Zaza Ceballos, pioneira do audiovisual galego.

Nunha entrevista en Hoy por Hoy en Las Rías, Tosar destacou o bo momento de actividade e prestixio que vive o audiovisual galego, así como o asombro e a satisfacción pola evolución da súa carreira.

O festival inaugurouse coa proxección de O lapis do carpinteiro, baseada na novela de Manolo Rivas, dirixida por Antón Reixa e protagonizada polo propio Tosar. A programación continúa con La flaqueza del bolchevique, hoxe con El desconocido e mañá con Maixabel.

O sábado, día da gala de clausura, proxectarase Fátum antes da alfombra vermella e do acto de peche do festival.