Goretti Sanmartín: "Espero máis empatía de Rueda coa veciñanza de Santiago"

Santiago de Compostela

A alcaldesa de Santiago, Goretti Sanmartín, reclama ó presidente da Xunta maior "empatía" coa veciñanza de Santiago, y agarda unha resposta positiva do goberno galego en cuestións como unha maior financiación do estatuto da capitalidade e a implantación dunha taxa turística na cidade. Son dous dos asuntos que a rexedora nacionalista confía en poder sacar adiante, pero lamenta que o presidente da Xunta teña adiado a reunión que lle ten solicitado.

Nunha entrevista na Cadena SER, Sanmartín, neste día de Galicia, asegurou que ve á comunidade con moitas oportunidades, "alzando a voz contra proxectos como o que Altri quere implantar na comarca da Ulloa". En clave interna, ve a Ana Pontón moi consolidada á fronte do BNG, cree que é a mellor baza que ten o nacionalismo para tratar de conquistar a Xunta nas vindeiras eleccións.

A alcaldesa de Santiago xustifica a súa ausencia nos actos relixiosos da ofrenda ó Apóstol, cre que nun estado aconfesional a alcaldesa ten dereito a non acudir a esa ofrenda, sí participou na revista de tropas na praza do Obradoiro e na recepción oficial ás autoridades no pazo de Raxoi.

Aposta pola vivenda pública

Goretti Sanmartín avanzou nesa entrevista na Cadena SER que o concello de Santiago vai ceder nos próximos días dúas parcelas na Volta do Castro á Xunta de Galicia para a construcción de máis vivenda pública. Tamén lle reclama que destine a parcela situada xunto á biblioteca Ánxel Casal, no entorno do casco histórico, a construcción de vivenda pública.

Defende ademais os traballos que se están a realizar dende o seu goberno para declarar Santiago como zona tensionada, e outras medidas como a intención de comprar un edificio na zona vella para destinalo a vivenda pública.