Gadis lanza un fanzine para celebrar o Día das Letras Galegas
Repartirá 60.000 exemplares nos seus supermercados, é unha proposta centrada na banda deseñada
A Coruña
Gadisa presentou o seu programa polo Día dás Letras Galegas, celebrado o 17 de maio. O grupo empresarial ha editado un fanzine baixo o nome de 'Tirabeque'. Repartirano o martes 16 de maio ata esgotar existencias. Tamén se entregarán 30.000 marcapáginas e bolsas de papel caracterizadas coa figura de Francisco Fernández del Riego, o literato que este ano ocupa o Día dás Letras.
No proxecto participaron 12 autoras e autores de cómic. Para Manel Cranio, un dos participantes, este tipo de propostas son fundamentais para a promoción de novos talentos de banda deseñada en Galicia. A presentación foi na fundación #Luis Seoane, a casa do xenial artista galego que precisamente promoveu e loitou polo uso e posta en valor da lingua e arte galega.
No acto participou o Secretario Xeral de Política Lingüística da Xunta. Valentín García Gómez, destacou a importancia de promover o uso da lingua galega, sobre todo entre os máis novos. Gadis céntrase precisamente no cómic, un xénero moi popular entre os adolescentes e nenos.
A presentación contou coa presenza do director de Comunicación de Gadisa Reatil, José Luis Fernández Astray; a coordinadora de Marketing Dixital e Contidos, Alexandra Kuntz; o secretario xeral de Política Lingüística, Valentín García, e o artista gráfico Manel Cranio.
"Queremos chegar ao maior número de persoas", destacou Fernández Astray, quen manifestou que o fanzine busca "alcanzar novos perfís de público e potenciar novos talentos". Do mesmo, engadiu Alexandra Kuntz, editaranse 30.000 exemplares que se repartirán o día 16 nunha campaña que incluirá tamén a distribución de bolsas de papel reciclado e marcapáginas.
Manel Cranio resaltou, á súa vez, a proposta para potenciar o "talento propio" e tamén para "captar ás novas xeracións". Mentres, o secretario xeral de Política Lingüística incidiu na importancia de implicar ao tecido social e económico na promoción da cultura. Tamén remarcou que o fanzine busca achegarse a un público "máis novo". "A lingua pode e debe estar en todos os ámbitos da sociedade", apostilou.
A presentación tivo lugar no marco da colaboración que Gadis e a Xunta manteñen despois de que, recentemente, asinasen un acordo de colaboración para promover o uso do galego entre os mozos en plataformas dixitais. Para iso, ambas as institucións lanzarán un concurso de vídeos de TikTok que se desenvolverá de xuño a setembro.
