'A Galicia inédita' expón na Marina da Coruña 73 imaxes de fotoperiodistas galegos
As imaxes, que amosan paisaxes, incendios, concertos ou reivindicacións laborais, poden verse na Marina durante máis dun mes
'A Galicia Inédita': Fernando Blanco, fotógrafo
El código iframe se ha copiado en el portapapeles
A Coruña
A exposición 'A Galicia inédita' amosa na Mariña da Coruña un total de 73 instantáneas dalgúns dos mellores fotoxornalistas galegos.
O presidente da Deputación da Coruña, Valentín González Formoso; a presidenta da Asociación de Periodistas de Galicia (APG), María Méndez; o fotoxornalista César Quián; e o comisario da mostra, Fernando Blanco, inauguraron este martes a exposición, que xa pasou por Santiago de Compostela, Pontevedra e Ourense.
Baixo o título A Galicia inédita. Unha ollada diferente do fotoxornalismo galego, organizada pola APG e o Colectivo Profesional de Fotoxornalistas de Galicia, a iniciativa reúne 73 imaxes de profesionais que traballan en Galicia, acompañadas por textos xornalísticos elaborados tamén por informadores da comunidade.
As fotografías retratan paisaxes, incendios, concertos ou reivindicacións laborais, e poden verse na Mariña durante máis dun mes.
Durante o acto de inauguración, González Formoso puxo en valor o “papel clave” da fotografía no xornalismo, destacando que “co paso do tempo, as crónicas e os titulares esqueécense, pero as fotografías quedan para sempre na memoria”.
