Nove detidos nunha ampla operación contra o narcotráfico na Costa da Morte
A operación está dirixida dende o xulgado de Corcubión que decretou a causa segreda
Costa da Morte
Policía Nacional e Axencia Tributaria iniciaron esta unha ampla operación contra o narcotráfico en varios puntos da Costa da Morte e o Salnés.
Dende primeira hora axentes da UDYCO, unidade de droga e crime organizado, están efectuando rexistros simultáneos en Fisterra, Cee e Carballo na costa da Morte, tamén nunha vivenda da Illa de Arousa. Nos rexistros incautaron cantidades aínda por determinar de cocaína e haxis e detívose polo menos a nove persoas, entre os que hai algúns vellos coñecidos das forzas de seguridade con varios antecedentes. A operación, dirixida dende o xulgado de Corcubión que decretou a causa segreda, segue aberta e non se descartan máis detencións.
Varias fontes aseguran que nos últimos tempos está detectándose un incremento significativo o tráfico e consumo de estupefacientes na Costa da Morte..
