Detido un veciño de Xinzo por tenencia de pornografía infantil
O material informático foi localizado na súa vivenda
Momento de la detención del vecino de Xinzo acusado de tenencia de pornografía infantil
Xinzo de Limia
Un veciño do municipio de Xinzo de Limia foi detido como presunto autor dun delito contra a liberdade e indemnidade sexual tras localizarse na súa vivenda material informático que contiña pornografía infantil.
O arresto produciuse o pasado mércores 27 de novembro no marco da operación Jake-Ou desenvolvida pola unidade orgánica da Policía Xudicial da Garda Civil, segundo informou este luns o Instituto Armado.
Tras a detención, os axentes que participaron no dispositivo despregado en Xinzo de Limia levaron a cabo un rexistro no domicilio do arrestado, onde se incautaron de catro discos duros externos, un pendrive, 34 DVD, un portátil e dous teléfonos móbiles. O xulgado de instrución de Xinzo de Limia fíxose cargo da investigación do caso.
