A Xunta de Galicia iniciará en xaneiro o percorrido da nova ruta de A Furgoteca
O percorrido abrangue un total de dez municipios que suman máis de 11.200 habitantes
Entrevista con Remedios Cid, responsable de la Furgoteca.
04:44
Compartir
El código iframe se ha copiado en el portapapeles
<iframe src="https://cadenaser.com/embed/audio/460/1735317930354/" width="100%" height="360" frameborder="0" allowfullscreen></iframe>
Ourense
A Xunta de Galicia iniciará en xaneiro o percorrido da nova ruta de A Furgoteca, que chegará a dez concellos da zona occidental da provincia de Ourense e completará así o servizo de bibliotecas móbiles do rural lucense e ourensán que xa contaba desde 2023 con outras dúas liñas en funcionamento.
Neste senso, a nova Furgoteca abrangue os concellos de Lobeira, Muíños, Padrenda, Porqueira, Quintela de Leirado, Rairiz de Veiga, Ramirás, Sandiás, Sarreaus e Verea, que suman no seu conxunto 11.233 habitantes.
No primeiro ano de funcionamento as bibliotecas móbiles estiveron presentes en 20 municipios de menos de 2.000 veciños, atenderon a 14.300 persoas e realizaron máis de 300 actividades de dinamización cultural.
Precisamente as propostas de lecer son un complemento esencial no funcionamento das rutas e para esta terceira que iniciará camiño o 2 de xaneiro xa se elaborou un programa con distintas accións como contacontos, obradoiros de creación ou xogos infantís que comezarán xa neste mes decembro nas distintas localidades que comprende.
As rutas de A Furgoteca viaxan dúas veces ao mes a cada un dos concellos participantes, de maneira que se asenta un dos días nas localizacións con maior afluencia de público, xa sexan feiras, mercados, centros de saúde, pavillóns de deporte ou centros socioculturais. Na outra xornada achéganse ás aldeas para ofrecer unha atención máis personalizada.
Ademais, as bibliotecas móbiles van acompañadas de diversas propostas de lecer como obradoiros, contacontos, conferencias ou actuacións musicais, entre outras citas.
