"Orgullo Galego" fomentará o uso do galego nas redes sociais nunha iniciativa da Deputación da Coruña
A Real Academia Galega estrea na súa web un novo espazo con motivo do ano Castelao
Galego en redes sociais. Soledad Agra, deputada de lingua na Deputación da Coruña
10:12
Compartir
El código iframe se ha copiado en el portapapeles
<iframe src="https://cadenaser.com/embed/audio/460/1736242918785/" width="100%" height="360" frameborder="0" allowfullscreen></iframe>
A Coruña
A Deputación da Coruña presentou unha nova iniciativa para fomentar o uso do galego entre os mozos. De man de "Orgullo Galego" desenvolveranse obradoiros en institutos da provincia da Coruña. A idea é, segundo o seu creador Borja Iglesias, demostrarlles que o idioma galego ten oco nas redes sociais e non supón ningún atranco para difundir contidos e as súas inquietudes. O programa, denominado "O galego e as redes sociais", centrarase inicialmente na Costa da Morte e comarca de Soneira para despois estendelo ao resto da provincia.
A Deputación sinala que é nestas zonas onde os mozos falan maioritariamente a lingua galega. Este tipo de actividades poden darlles ferramentas que reforcen o seu uso no ámbito dixital. Borja Iglesias afirmou na presentación da iniciativa a importancia de que vexan que o galego ten oco en podcast, Youtube, Facebook, X e resto de redes.
Serán 20 obradoiros noutros tantos institutos. O primeiro implantarase o vindeiro xoves en Mazaricos. "Orgullo galego" superou os 500.000 seguidores nas redes sociais, segundo Iglesias.
A responsable da área de Lingua do organismo provincial, Soledad Agra, e o creador deste medio dixital, Borja Iglesias, deron a coñecer os detalles deste proxecto. En concreto, realizarán 20 talleres en centros de ensino público de secundaria da Costa da Morte e Terras de Soneira, impartidos por Orgullo Galego, unha comunidade en redes que naceu en 2016 e que "na actualidade é a máis grande en lingua galega".
Para Agra pódese facer "un gran traballo para potenciar o galego nas redes sociais" e animou a crear contido en galego, así como a "mostrar todo que se está facendo agora mesmo, que é moito e dunha gran calidade".
Pola súa banda, Iglesias, sinalou que nas charlas relatan "a situación actual da lingua nas redes sociais, a súa evolución desde os anos 90 e as canles que hai en galego que falan de temas moi diversos" como deporte, ciencia, cultura ou tecnoloxía".
Mostran, ademais, que "a lingua galega non é un obstáculo para crear contido, xa que nos permite chegar a miles de persoas de todas as partes do mundo".
A Real Academia Galega estrea na súa web un novo espazo con motivo do ano Castelao
A Real Academia Galega estrea na súa web un novo espazo con motivo do ano Castelao. Anunciouno hoxe, día en que se cumpren 75 anos do falecemento do intelectual e político no exilio, en Buenos Aires. Este ano os actos que se organizan nesta data adquiren relevancia institucional. A Real Academia ofrece a posibilidade de consultar a través da súa web por este motivo os fondos que custodia relacionados coa vida e obra de Alfonso Rodríguez Castelao.
Pódense consultar a partir de hoxe na páxina web da RAG manuscritos, fotos, materiais bibliográficos e de hemeroteca relacionados con Castelao. Conta cunha sección "Pezas destacadas" coa bandeira do Consello de Galiza que se empregou nos seus exequias e imaxes da despedida multitudinarias que lle deron os exiliados en Buenos Aires hai 75 anos.
A institución lembra que mentres Castelao estivo no exilio a RAG non declarou vacante a súa cadeira de brazos en recoñecemento do seu legado e significado.
