"Somos Pandeireteiras" abre a inscrición para a súa xornada conmemorativa do 17 de maio

A asociación "Somos Pandeireteiras" vén de abrir a inscricións para a xornada que celebrarán o 17 de maio para celebrar o Día das Letra Galegas, no Auditorio de Galicia, e na que se realizará unha homenaxe ás mulleres do folklore galego.

Baixo o lema "As tocadoras como transmisoras da lingua galega", o colectivo abordará o papel fundamental na transmisión oral da lingua e a tradición das pandeireiteiras, tanto no presente coma no futuro. Ademais, poñen o foco no labor de recuperación das variantes dialectais das coplas recollidas.

As xornadas están dirixidas a todas as mulleres pandeireteiras galegas e contarán cun límite de 100 prazas (25 persoas por mesa redonda) coa intención de poder desenvolver, nas mellores condicións posibles, un debate de xeito colectivo e colaborativo en cada mesa.

A continuación se celebrará unha foliada (20.00 a 22.00 horas) aberta a toda a cidadanía. O encontro festivo que pechará esta II Xornada Pública non require inscrición previa.