Abre o prazo para inscribirse nos cursos de natación en Ribadavia

Ribadavia.

O Consello Municipal de Deportes Ribadavia abre o prazo para anotarse nos cursos de natación para nenos e para adultos.

Os interesados poden cubrir a solicitude dende este enlace: https://deportesribadavia.es/piscina-2025/ ou ben recollela e presentala directamente nas oficinas do Centro Deportivo Municipal O Consello, de luns a venres de 9:00 h. a 14:00 h.

Ofértanse actividades para adultos condicionadas a formar grupo de mínimo 10 persoas, según disponibilidade de horarios na quenda de mañá.

No que se refire a natación para nenos e nenas, deberán facer a solicitude "Reserva de Praza Natación" antes das 14:00 horas do día 15 de Maio. O número de prazas é de 80, de 4 anos en adiante. Serán dende o 30 de Xuño ao 29 de Agosto, de luns a venres en horario de mañá (Entre as 11:00 h. e as 14:30 h.) cunha duración 45 minutos/clase.

A adxudicación das prazas será: dende o 26 de Maio ata o 30 de Maio e a reserva (Aboamento Matrícula) , dende o 2 ata o 6 de Xuño.