A Xunta licita a humanización da praza da Igrexa de Rairiz

A Xunta vén de licitar os traballos de humanización da praza da Igrexa, situada no núcleo urbano do concello de Rairiz de Veiga, por importe de 118.700€. Esta actuación enmárcase no Plan Hurbe, co que a Administración autonómica colabora cos concellos no financiamento da dotación de equipamentos públicos ou a mellora de contornas urbanas.

As actuacións que se levarán a cabo permitirán a renovación, soterramento de servizos urbanos e pavimentación na controna da igrexa parroquial de San Xoán, no núcleo urbano.

De acordo ao convenio asinado no marco do Plan Hurbe, a Xunta asumirá o 70% do investimento total das intervencións, e o Concello o 30% restante.

As empresas poderán presentar ofertas ata o 9 de xullo e a actuación terá un prazo de execución de 3 meses.