A Ludoteca de Moaña remata o seu curso brincando co mar
As actividades desta semana contarán con xovos e obradoiros coas vacacións de verán en mente
Ludoteca Municipal de Moaña / Google maps
Chega o final do curso e dende a Ludoteca Municipal de Moaña preparan unha programación especial para estes últimos días de clases, coa vista posta no verán. Así o indica o nome da programación das actividades desta semana: "Brincando co mar".
Coa chegada do cambio de estación, na ludoteca van cambiar o decorado "por un máis apropiado para a época do ano na que estamos ao tempo que facemos xogos e obradoiros diferentes".
Tralo luns 16, co "Verán en rosa", o resto da semana na ludoteca moañesa ten a seguinte programación:
• Martes 17: DECORANDO A LUDO (decoración)
• Mércores 18: GRILANDAS DE VERÁN (decoración)
• Xoves 19: CHOCOS (obradoiro)
• Venres 20: CORAIS (obradoiro)
Servizo de conciliación e creatividade
O servizo da ludoteca está dirixido a nenos e nenas entre 4 e 12 anos, que poden asistir dez horas á semana repartidas como as familias desexen, sempre contando horas completas.
Horario de luns a venres de 16.00 a 20.00 horas e os luns de 10.00 a 13.00 para atención ao público. Para asistir é imprescindible cubrir uns impresos de solicitude na propia ludoteca.
Existen diferentes tarifas para cada neno/a, das que se informa no momento de inscrición. Máis información na Ludoteca ou no teléfono 986.31.50.38 (tardes).
