Néstor Rego: "No 2026 o Goberno ten que facer avances no Cercanías"

Vigo

O Ministro de Transportes anunciaba no Congreso que o estudo para a implantación do sistema de Cercanías en Galicia estará rematado antes de acabar o ano. Dende o BNG, o seu deputado Néstor Rego, solicitou ao Goberno celeridade para iniciar xa os trámites para poder establecer as Cercanias en Galicia. Antes de acometer obras nalgúns tramos necesarias para que poidan desenrolarse con plenitude, sostén Rego que xa se poden ir dando pasos no 2026. Por exemplo a recuperación de paradas que se suprimiron nos servizos rexionais ou de media distancia, a mellora neses apeadeiros e estacións, así como a contratación de persoal e a compra do material rodante necesario para poder comezar o seu servizo. O obxectivo que se marca o BNG, como asegurou Néstor Rego en Neste momento Vigo, é que antes de que acabe a Lexislatura en 2027 xa está plenamente en marcha.