“Se Luis Insua cumpre os acordos asinados, vai ter o meu apoio.  Pero se fai como os anteriores, vai ter serios problemas para gobernar”

O concelleiro tránsfuga de Fisterra, Tito Martínez, asegurou en radio Nordés que contaba co apoio do presidente e Alternativa dos Veciños para presentar a moción de censura. Segundo explicou, Ángel García Seoane cambiou de opinión por motivos que descoñece e dende ese momento empezou a dar apoio á ex alcaldesa Áurea domínguez. Martínez e engade “o día que empecen a saír as cousas, Ángel Seoane terá que tapar a cara cun saco. Cómodo e contento non creo que esta”.

Estas declaracións xa teñen resposta por parte do alcalde de Oleiros asegurando que Martínez Tarba intentou, asesorado polo seu fillo, manexar a Áurea Domínguez e traizoaron ao partido. Respecto a que o PP os enganou, engadiu: “hai que ser cretino para crer que o PP ia confiar en persoas que traizoaron ao seu partido”.

Tito Martínez asegurou que tódolos políticos da corporación de Fisterra, xunto cos funcionarios están na súa contra. Acusou ao Partido Popular de enganalo dende o inicío e dixo que o actual alcalde, Luís insua, escudouse no secretario municipal par adilatar os prazo ata que xa non podía darlle as áreas prometidas dentro do seu goberno. Un goberno do que xa non quere formar parte ao estar o ex alcalde José Manuel Traba. O non adscrito, por último aclarou que apoiará as iniciativas do novo goberno sempre que cumplan os puntos acordados para a moción de censura, pero se non o fan e prefiren seguir “fora da legalidade como os gobernos anteriores, terán serios problemas para gobernar”.