A continuidade de Evencio Ferrero, no aire
A asemblea local do BNG en Carballo decide mañán o futuro do alcalde. Elexirase candidato para as municipais de 2027 sen desbotar un cambio inmediato na alcaldía.
Evencio Ferrero, á esquerda, con Julio Abalde, subdelegado do goberno
Carballo
Evencio Ferrero activa a conta atrás para a súa saída da alcaldía. A asemblea local do BNG de Carballo debatirá mañán o futuro do actual alcalde. Sobre a mesa hai dúas opcións: a designación dun candidato para as eleccións municipais de 2027 e a saída de xeito inmediato de Evencio Ferrero para que un compañeiro de corporación ocupe o seu cargo.
O actual rexedor de Carballo ten manifestado a súa vontade de non prolongar a súa permanencia no cargo, inda que sorprende que o debate sobre a seu futuro poida terminar cunha saída a dous anos vista da próxima cita coas urnas. Os militantes do BNG decidirán mañán quen debe ser o cabeza de cartel en 2007 e dentro das opcións estará a renuncia do actual alcalde para que o seu sustituto poida dirixir o Concello a falta de dous anos para as eleccións.
Evencio Ferrero entrou na corporación municipal en 1979 sendo un dos impulsores do tecido asociativo da capital de Bergantiños participando en asociacions deportivas (Xiria), antidroga (Vieiro) ou culturais (Vieiro). Dende 2003 ocupa a alcaldía de Carballo e o fai con maioría absoluta dende 2015. De confirmarse a súa saída, poría o punto e final a un período onde Carballo experimentou unha transformación total tanto no eido urbanístico coma cultural e social.
