Catro detidos en Corcubión nunha operación contra o uso de explosivos na pesca
A Garda Civil desplegou un operativo esta mañán no peirao corcubionés
O Xulgado de Corcubión encárgase da instrución do caso
Corcubión
O habitualmente tranquilo porto de Corcubión rachou esta mañán esa estampa. A Garda Civil despregou unha operación para rexistrar un barco cerqueiro con base en Camariñas. O axentes, unha trintena aproximadamente, participaron no rexistro dunha embarcación axudados por cans especializados na busca de explosivos. Segundo diversas fontes, buscaban dinamita que tería sido utilizada na pesca de sardiña.
A Benemérita, ademáis dos rexistros, levou a cabo a detención de catro persoas, un deles o patrón do barco que responde ás iniciais J.L.C. Trátase dun veciño de Camariñas que segundo apuntan, ten lazos familiares con xentes ligadas ao mundo do mar con antecedentes polo uso de explosivos na pesca.
