Memoria histórica en feminino: “Non atopas documentos que falen das violacións das mulleres, que falen da rapa das mulleres… Foi terrible e hoxe en día aínda está sen recuperar”

Este 20 de novembro cúmprense 50 anos da fin oficial da ditadura, e tras media década de democracia continúan dándose pasos para a recuperación das historias das vítimas do franquismo. De entre todas esas persoas, as mulleres son un dos colectivos máis esquecidos.

Non existen documentos que recollan a represión, os abusos e as violacións ás que foron sometidas. E aqueles que o fan, tampouco describen a verdadeira dimensión do sucedido. É por iso que para recuperar as vidas de todas esas mulleres o relato oral elevouse como a peza clave para reconstruír o sufrimento. Con todo, durante anos denostouse a súa validez e cuestionouse a veracidade deste método. Hoxe, os libros, as investigacións e as entrevistas demostran que a memoria oral foi fundamental para sacar á luz a historia de mulleres como Custodia Gama, que fora arrastrada polas rúas de Pontevedra cun cartel que rezaba “comunista”.

Descubre la nueva app de Cadena SER Te ofrecemos una mejor experiencia de audio y video

Descargar

Carme Vidal, Montse Fajardo e Encarna Otero son tres mulleres, investigadoras e voces autorizadas porque viviron esa época de represión, porque a estudaron ou porque a recuperaron. Encarna Otero viviu non exilio durante vos derradeiros anos da ditadura franquista, exerceu a política ademais de entre outras cousas, publicar varias obras e tamén investigacións académicas sobre a muller na historia. Carme Vidal é xornalista, investigadora licenciada en Filosofía e Ciencias da Educación. Tamén autora de diferentes obras destinada a recuperar a memoria das mulleres. O mesmo fixo a escritora e xornalista Montse Fajardo coordinadora de varios traballos sobre a recuperación da memoria.

Neste Vermú con SER elas convértese na voz de todas as represaliadas ás que o falecemento, a represión e o medo as silenciou durante toda unha vida. Agora, explican, quen pode continuar rompendo ese silencio son as netas, a terceira xeración das mulleres silenciadas. Sobre esa recuperación de memoria, as dificultades para facelo, os tipos de represión, os modos de organización ou a resistencia antifranquista planea esta nova entrega de Vermú con SER.