Ana Miranda: "Se a UE incrementa máis o gasto militar é a conta de recortar os fondos de cohesión"

Vigo

Bruxelas converteuse no epicentro das negociacións entre os países membros para ver que facer ou como facer fronte aos desafíos actuais que existen no mundo e como actuar no medio de Trump e máis Putin. Moitas das decisións que van comezar a negociar nos vindeiros días no Parlamento serán decisivas para ver como van quedar os fondos europeos ata 2035.

É dicir que Galicia vai xogar moito a partir da próxima semana cando comecen as negociacións dos fondos. Unha discusión marcada polo incremento do gasto militar e a repercusión directa que terá nos fondos de cohesión. A eurodeputada Ana Miranda será a única voz galega que estea nese foro de discusión a partir deste luns. Explicou en Vigo, na súa cidade, a súa preocupación polos recortes que poden chegar para a pesca, vivenda, agricultura, gandería ou infraestruturas. Coa eurodeputada do BNG falamos no tempo de Hoy por Hoy Vigo.