Chega a hora da verdade para Balonmán Miño

Club Balonmán Miño chega a este tramo da tempada nun bo momento, tras pechar a primeira fase con tres vitorias consecutivas, unha dinámica moi positiva que reforzou a confianza do grupo. Triunfos que teñen máis valor se cabe porque chegaron despois de varios meses difíciles, nos que, malia o traballo constante e o esforzo do equipo, os resultados non acompañaban.

Ese cambio de dinámica nas últimas xornadas demostra que o equipo soubo manter a calma, seguir crendo no que se facía e confiar no traballo diario. Agora comeza unha nova fase na que será clave manter a intensidade defensiva, a solidariedade no xogo colectivo e a claridade en ataque que se viu nos últimos partidos.

O encontro ante o Arousa será un bo momento para medir a situación do equipo e comprobar se esta liña ascendente ten continuidade.