O plan perfecto da Semana Santa chega a Mos: obradoiros para os máis pequenos
O Concello abre o prazo de inscrición para nenos e nenas de 3 a 12 anos
Mos
Coas vacacións escolares á volta da esquina, o Concello de Mos volve apostar pola conciliación familiar a través dunha nova edición dos seus populares obradoiros de Semana Santa. Unha iniciativa que busca transformar os días non lectivos nunha experiencia de aprendizaxe e diversión para a cativada do municipio.
Datas, horarios e servizos á carta As actividades terán lugar no Edificio Multiusos das Pozas os días 30 e 31 de marzo, e o 1 e 6 de abril, nun horario principal de 09:00 a 14:30 horas. Pensando nas necesidades reais das familias, o Concello ofrece dúas opcións extra:
- Aula Madruga: de 08:00 a 09:00 horas (7€ adicionais).
- Servizo de fiambrera: de 14:30 a 15:30 horas (7€ adicionais). (Ambos servizos requiren un mínimo de 5 participantes).
Prazos de inscripción
Inscricións e prazos clave O prezo xeral é de 50 euros e o programa está aberto a nenos e nenas de 3 a 12 anos. As familias interesadas deben darse présa, xa que as prazas son limitadas e outórganse por rigorosa orde de entrada.
- Data límite: Ata o 26 de marzo.
- Onde: Rexistro municipal ou sede electrónica.
- Publicación de admitidos: 27 de marzo.
É importante lembrar que, ao realizar o pago, débese indicar como concepto "Campamento Entroido Concello de Mos" (segundo as indicacións oficiais) e entregar o xustificante na OMIX. Para que a actividade saia adiante, precísase un mínimo de 15 participantes.
Para calquera dúbida, a OMIX está dispoñible en omix@concellomos.es.
