Fernando Dacosta: "Neste momento, inxenuamente, debemos seguir loitando pola utopía"
O director da Mostra Internacional de Teatro Universitario de Ourense dános máis detalles sobre o programa desta edición
Esta semana pasaba polos micrófonos do Hoy por Hoy Ourense Fernando Dacosta, director da MITEU, a Mostra Internacional de Teatro Universitario de Ourense. O actor, director, dramaturgo e mestre ourensán desgranaba o programa desta edición número 31.
A MITEU 2026 arrincará o vindeiro 23 de abril coa Mostra Interactiva de Danzas do Mundo e concluirá o 8 de maio coa clausura a cargo de Maricastaña, o grupo de teatro da Aula de Ourense.
A organización confirmou a participación de grupos de Palestina, Perú e Portugal, cun programa que inclúe 20 espectáculos de teatro e danza, 233 participantes entre actores, directores e técnicos, e actividades paralelas.
Dacosta reflexionaba ademais sobre o papel da cultura en tempos convulsos e a capacidad das artes de axudarnos a sobrelevar situacións difíciles.
