Fillas de Cassandra: "Este disco ten moita vangarda, pero tamén moita reflexión"

Vigo

Despois do éxito de Acrópole e máis do EP Hibernarse, Sara Faro e María Soa tiñan por diante un reto de moita esixencia e responsabilidade. A xente xa estaba agardando o seu segundo disco, e xa está aquí Tertulia. Un traballo de vangarda, pero tamén moi reflexivo, onde deixan claro que sentarse a falar e escoitar é un xesto político. A vida é tomar partido, posicionarse, non ter medo, falar e escoitar.

Un disco que conta con moitas colaboracións e que, pese á responsabilidade e a todos os ollos postos nelas, Sara e María recoñecen que puideron facer o que lles apetecía, e iso tamén é moi importante. Insolación ou Sair a fresca foron os avances deste disco, que sae ao mercado na madrugada do xoves ao venres.

O 9 de maio arrincan a xira en Pontevedra con esa Gran Tertulia, que tamén levarán o dúo vigués ata PortAmérica.

Con Fillas de Cassandra estivemos pasando un bo rato e falando de cultura, música, creación, feminismo e máis cousas en Hoy por Hoy Vigo.