A Xunta de Galicia remarca a importancia da Porta Santa Virxe da Xunqueira 'para o impulso do turismo relixioso'

Cee

A directora de Turismo de Galicia, Nava Castro, participou este domingo na apertura da Porta Santa da parroquia de Santa María de Xunqueira de Cee, no marco da celebración do Ano Xubilar Mariano da Virxe da Xunqueira.

Explican nun comunicado que se trata dunha celebración 'moi enraizada coa tradición mariana e co Camiño de Santiago' que, como destacou a directora de Turismo de Galicia, é 'importante para o impulso do turismo relixioso'.

Con motivo do Ano Xacobeo, o concello de Cee programou actos 'que contribuirán ademáis a promocionar o santuario mariano e o seu patrimonio histórico e cultural'.