Cuarta carreira do circuito Correndo por Ourense

Ourense

O circuito de carreiras populares Correndo por Ourense chegará este domingo,4 de setembro, á súa cuarta carreira deste ano, que percorrerá a zona universitaria, aberta á participación de persoas de todas as idades que queiran desfrutar do deporte de xeito lúdico ou competitivo percorrendo as rúas da cidade.

1.348 persoas están inscritas xa para participar na carreira, que sairá     da pista de atletismo do campus universitario, e continuará polo campus (zona sur-este), Casarellas, Bamio, Rabaza, Mende, Ponte Lonia, Vilaamil e Castro, Campus Universitario (norte) e pista de atletismo.

A saída será ás 12:00 horas, para os Pitufos, 12:10 horas para Benxamín, Alevín, e Infantil, 12:15 horas, Cadetes, ás 12:30 horas para Xuvenil, Junior, Promesa, Senior e Veteranos.

Tras esta carreira, o circuito regresará o domingo, 25 de setembro, coa Carreira da Ponte e o domingo 23 de outubro, a Carreira da Carballeira.