"Oskarbi 21", Bidasoaldeko kontakizunak

Bilbao

Duela gutxi aurkeztu zuen Oskarbi Kultur Elarteak bere lehen proiektua. Ñiteratura arloarekiko harremana duten idazlez osatuta dago eta bere helburua idazketa eta sortze-lan literarioaren sustatzea da, batez ere Bidasoaldean, han hainbat idazle berri agertzen ari zirela eta.

“Oskarbi 21” Bidasoaldeko kontakizun bilduma bat da. Hitzaurreak Lourdes Maldonado kazetaria, gaztelaniaz, eta Jesus Mari Mendizabal, “Bixargorri” idazleak, euskaraz, idatzi dituzte. Fernando García, Oskarbi Elkartearen presidente ordearen ustez, helburua "elkartearen sorrera eta kideen ipuinak kaleratzea izan da".

Bidasoaldean giroturiko 22 kontakizun aurki ditzakegu guztira. Liburuan, besteak beste, elkartekide diren Román Huarte, Bakarne Atxukarro, Virginia Gasull, Izaskun Zubialde eta Fernando García  idazleek beraien kontakizunak aurkezten dituzte. “Geure lana plazaratzea interesgarria iruditu zitzaigun, baina gure lagun idazleen parte hartzearekin emaitza erakargarriagoa izango zela ulertu genuen”,diote. “Ez dugu lana gure jatorriko bidasoaldera mugatu nahi, baizik eta inguruko herri, lurralde eta erkideetara zubaldu. Gauza berriak ezagutzeko, erakusteko eta guztien artean ikasteko aukerarik aproposena iruditzen zaigu hau”. Besteak beste, taldeko Miguel Campión, Juana Cortés Amunárriz, Iñaki Estevez edota Noelia Lorenzok diotenez, “Idazleen artean badira liburu ugari argitaratu dituztenak, baita askotan sarituak izan direnak ere; batzuk Irun edo Hondarribian bizi dira, beste batzuk Donostia, Iruña, Bartzelona edo Madrilen”.

Etsipena, tentsioa, mesterioa, erotismoa, ametsak, maitasuna, oroimenak… kontakizunen gai anitz dira. “Liburu interesgarria osatzea gure lehentasunik nagusiena zen”, diote.