As imaxes do parto real de Quen a ferro mata proxectaranse na Domus

A Coruña

As imaxes completas do parto real que aparece na película 'Quien a hierro mata' 'poderán verse na Domus da Coruña. A familia decidiu doar a gravación para que poida ser proxectada no museo que nos seus 25 anos de existencia sempre exhibiu un parto real.

A doazón quedara paralizada pola preparación da película, pero a Domus e a produtora, Vaca Films, xa retomaron o contacto para facela efectiva. O museo xa retirara o parto anterior, no marco da renovación das súas exposicións, coa intención de incluír novas proxeccións.

A directora da Domus, Patricia Barciela, confirmou que a idea segue adiante. Foi o actor Luís Tosar, que aparece na escena do parto na película, o que desvelou en La Ventana da Cadena SER o desexo da familia de doar as imaxes á Domus. O programa comunicoullo á dirección do museo, que retomou as conversacións coa produtora para completar o proceso.