¿Como poden as máquinas entender a linguaxe humana?
90/10000
O profesor Carlos Gómez Rodríguez responde a esta pregunta o xoves en Conversa coa UDC
A Coruña
O profesor do a Facultade de Informática Carlos Gómez Rodríguez será o próximo invitado do ciclo Conversa coa UDC, que se celebrará este xoves, ás sete e media da tarde, no Café Santa Cruz 1951 (Pai Feijóo, 3).
O seu relatorio versará sobre intelixencia artificial, lingüística e informática baixo o título 'Máquinas que entenden o noso idioma'.
Gómez Rodríguez explicará as súas investigacións sobre como conseguir que as máquinas poidan entender a linguaxe humana.
Radio Coruña Cadena SER e a Universidade da Coruña, coa colaboración da Deputación da Coruña, puxeron en marcha un ciclo de charlas que pretenden achegar ao conxunto da sociedade o resultado das investigacións que se desenvolven nos campus coruñeses.
Baixo o título Conversa coa UDC, cada mes o responsable dun equipo ou liña de traballo expón, de forma didáctica e accesible a todo o público, o alcance e aplicación das súas investigacións.
