Detido un vimiancés por crear desordes no Hospital

Costa da Morte

Un veciño de Vimianzo foi detido este mediodía ás portas do Hospital Comarcal. As forzas da orde foron requeridas logo de que un individuo causase desordes nos servizos de Urxencias do centro sanitario. A chamada foi atendida pola policía local e Garda Civil. Cando os axentes se persoaron no lugar dos feitos, o detido xa causara danos nun vehículo aparcado nas inmediacións do Hospital.

Logo da súa detención, o individuo foi posto a disposición do Xulgado de Instrución de Corcubión, onde se puido comprobar que sobre o detido xa pesaba unha requisitoria previa doutro xulgado.