Ourense acollerá dúas das tres etapas da Gold River Race
Ourense acollerá dúas das tres etapas da Gold River, a regata máis longa da historia do piragüismo europeo
Ourense acollerá no mes de xunio, tres etapas da Gold River / Deputación Provincial de Ourense
Ourense
No parque Náutico de Castrelo de Miño, onde se presentou esta proba, o presidente provincial, Manuel Baltar, afirmou que a regata´´ vai marcar un fito histórico ao que se sumará no 2022 a celebración da Coup de la Jeunesse, todo un desafío organizativo para a capital do deporte náutico en Galicia, cuxas instalacións van experimentar unha importante mellora co apoio da Deputación, para converter a este lugar nun centro deportivo e turístico de primeira orde´´.
O río Miño, ao seu paso por Ourense, protagonizará dúas das tres etapas da regata máis longa da historia do piragüismo en Europa, a Gold River Race, presentada no náutico de Castrelo de Miño coa presenza do presidente da Deputación de Ourense, Manuel Baltar, que destacou o apoio da institución provincial´´ na liña dun dos obxectivos que nos marcamos, que non é outro que potenciar o deporte vencellado á natureza e ao turismo, coa compoñente de desenvolvemento económico e social que implica´´.
Os Peares será a meta da primeira etapa, o 25 de xuño, disputándose a segunda o día 26 entre Ourense e Castrelo de Miño e finalizando ao día seguinte en Salvaterra.
