Jueves, 02 de Diciembre de 2021

Otras localidades

Jan Gehl, referente internacional do urbanismo que pon no centro ás persoas, participará na Facultade Ágora

O Teatro Principal acollerá o vindeiro 12 de novembro unha conferencia maxistral para a que será precisa inscrición previa

Jan Gehl, máximo referente internacional do urbanismo ‘de escala humana' e que pon no centro ás persoas, autor das peonalizacións de Times Square en Nova York, o centro de Moscú e Melbourne, visitará Pontevedra o vindeiro 12 de novembro da man da Facultade Ágora da Deputación para coñecer en persoa o traballo de recuperación do espazo público feito na provincia.

Así o anunciou hoxe o deputado de Mobilidade e Espazos Públicos Uxío Benítez, quen sinalou que inicialmente Gehl ía participar nos seminarios formativos da Facultade Ágora en liña dende Copenhague para ilustrar aos representantes públicos e técnicos dos concellos da provincia, sen embargo finalmente decidiu viaxar ata Pontevedra.

"Para nós é unha enorme satisfacción, un enorme recoñecemento para a Facultade Ágora. Estamos a falar dunha eminencia a nivel mundial con 85 anos que escolle moito as súas visitas e ten a ben vir a Pontevedra. Podería cumprir perfectamente cun Zoom dende Copenhague, mais vén aquí porque cando lle expuxemos o noso modelo interesáballe compartir con nós e ver o noso traballo presencialmente"

Uxío Benítez

A transcendencia de Jan Gelh vese reflexada nos 98 libros publicados en 42 idiomas, a maioría escritos na última década, que amosan a súa paixón por explicar como o urbanismo pode mellorar a vida da xente. Defende que a maioría de cidades avanzadas deben promover que os seus cidadáns camiñen e usen a bicicleta nos seus desprazamentos urbanos e coincide con Ágora no plantexamento de que "camiñar debería ser considerado un dereito humano". O propio vicepresidente César Mosquera asegurou que no caso de existir a categoría de urbanismo nos Premios Nobel, Gehl debería ter o galardón.

Como anécdota, Benítez subliñou que a tarxeta de visita de Gehl, como firme defensor das mobilidades naturais e non motorizadas, está ilustrada cunha fotografía del mesmo montado en bicicleta circulando cun paraugas aberto no medio dunha gran chuvia. "Aquí sempre que buscamos potenciar a ciclabilidade e camiñabilidade dos espazos públicos dísenos que chove moito e non se pode... e unha persoa de idade coma el demostra claramente que si", apuntou.

Previamente á chegada de Gehl, a Facultade Ágora segue a súa dinámica. Na xornada de mañá celebrarase un novo seminario no que se tratará o tema da inclusión social e o deseño das cidades dende unha perspectiva de xénero.

Para iso contarase, tamén de maneira presencial, coa arquitecta e urbanista Zaida Muxí, que actualmente é profesora na Facultade de Arquitectura de Barcelona e codirectora Máster Laboratorio da Vivenda do Século XXI da Universidade Politécnica de Cataluña, e é coñecida pola súa experiencia en cuestións de espazo e xénero, sendo unha das súas teorías máis destacadas que "as cidades teñen xénero e é masculino". Tamén estarán mañá en Pontevedra o xeógrafo Màrius Navazo e os representantes de COGAMI Anxo Queiruga e Paulo Fontán, abordando a teoría e a práctica de como construír espazos accesibles e integradores.

Primeira Asemblea Ágora

Por outra banda, o deputado de Mobilidade Uxío Benítez aproveitou para anunciar que o vindeiro mércores 3 de novembro a Deputación celebrará a súa Primeira Asemblea Ágora coas persoas representantes políticas e técnicas da Rede de Concellos polo Espazo Público.

Lembrou que a Xunta de Goberno da Deputación aprobou o 12 de xuño de 2020 a creación da rede e, case ano e medio despois, o proxecto de acción institucional entre a Deputación e os municipios da provincia ten avanzado significativamente.

O encontro terá como obxectivo poñer en común o traballo feito, ver a evolución dos obxectivos marcados de cara 2023, escoitar necesidades por parte dos concellos, así como poñer sobre a mesa as futuras liñas de actuación, entre as que destaca unha nova liña de axudas.

Aproveitando o encontro, informarase tamén da posibilidade de que os concellos da provincia poidan tramitar a través da Deputación subvencións no ámbito europeo, xa ben a través do Mecanismo de Recuperación e Resiliencia, React EU ou fondos estruturais da Unión Europea ou calquera outro que sexa acorde coa tipoloxía de actuacións de mobilidade sustentable.

Cargando

Escucha la radio en directo

Cadena SER
Directo

Tu contenido empezará después la publicidad

Programación

A continuación

    Último boletín

    Emisoras

    Elige una emisora

    Cadena SER

    Compartir

    Tu contenido empezará después de la publicidad

    Cadena SER

    ¿Quieres recibir notificaciones con las noticias más importantes?