Douscentos escolares de Ourense achéganse á danza

Ourense

Eduardo Ramírez e Ángel Garcés abrían hoxe o festival sóLODOS en Danza na praza da Escola Municipal de Artes Escénicas de Ourense. O espectáculo "Handshake routine" inspírase nun xesto universal e sinxelo: o saúdo. Douscentos escolares de Ourense expresaron as súas reaccións dun xeito moi expresivo, o que sorprendeu aos artistas, que recoñeceron que "el público infantil y juvenil es muy espontáneo, tiene reacciones naturales. Los adultos tenemos más barreras mentales".

A asistencia do alumnado de secundaria estivo organizada pola Concellería de Educación co obxectivo de que as novas xeracións teñan contacto coas diferentes artes. Deste xeito, os escolares elixiron cos seus votos o seu espectáculo favorito, mercedor do Premio Xove. A compañía ganadora volverá na vindeira edición.

Maruxa Salas, xunto con Erik Jiménez e Víctor Carbajales fundaron sóLODOS en Danza, un proxecto cultural que tende pontes entre o continente europeo e americano. Este festival internacional forma parte deste obxectivo. Salas explica que "el festival se celebra desde hace seis años, en este certamen los bailarines compiten por diferentes premios".

Ademais do espectáculo "Handshake routine", representáronse outras catro propostas por parte de Alicia Reig, Mayte Tortosa e Víctor Fernández, Daniel Rodríguez e Ana F. Melero. Ás oito e media da tarde, en Xunqueira de Espadanedo, un xurado profesional avaliará as propostas.