Un menor ferido grave ao ser golpeado por unha vaca en Santa Comba
Debido á gravidade das feridas sufridas polo neno, os profesionais de Urxencias Sanitarias de Galicia-061 mobilizaron o helicóptero medicalizado
Helicóptero dependiente de Urxencias Sanitarias de Galicia-061 / Xunta de Galicia
A Coruña
Un menor de 10 anos de idade necesitou este xoves asistencia sanitaria tras recibir un golpe por parte dunha vaca nunha explotación gandeira do Couto, en Santa Comba.
Debido á gravidade das feridas sufridas polo neno, os profesionais de Urxencias Sanitarias de Galicia-061 mobilizaron o helicóptero medicalizado con base en Santiago para atendelo.
Os feitos sucederon na parroquia de Alón, ao fío das 17,30 horas. Nada máis ter coñecemento do suceso, os xestores do CIAE 112 Galicia pasaron o aviso aos axentes da Garda Civil, da Policía Local e aos voluntarios de Protección Civil da localidade.
