Tribunales

Piden sete anos de prisión para unha muller acusada de tentar matar á súa nai na zona de Corcubión

Segundo a fiscalía, a acusada tirou sobre a cama á súa nai, subiuse de xeonllos sobre o seu corpo e colocou un coxín sobre o seu rostro "durante un lapso de tempo prolongado"

Audiencia de A Coruña / Elena López

A Audiencia Provincial da Coruña celebra o vindeiro martes día 27 de setembro, ás 09,45 horas, un xuízo contra unha muller acusada de tentar matar á súa nai en abril do ano 2020, polo que a Fiscalía solicita unha pena de sete anos e seis meses de prisión.

Segundo relata o escrito de Fiscalía, o día 21 de abril de 2020, sobre as 20,00 horas, no domicilio familiar, situado na demarcación xudicial de Corcubión, no que convivían a acusada e os seus dous proxenitores, produciuse un altercado no que a acusada recriminou a berros á súa nai que falase por teléfono coa súa cuñada.

No medio desta discusión, a acusada tirou sobre a cama á súa nai, subiuse de xeonllos sobre o seu corpo e colocou un coxín sobre o seu rostro "durante un lapso de tempo prolongado", polo que impedía respirar á súa nai "con ánimo de causarlle a morte".

Posteriormente, a prexudicada logrou escapar da acción da súa filla e pediu axuda pola xanela antes de fuxir ao piso inferior, onde se atopaba o pai da acusada, tetrapléxico prostrado nunha cama e totalmente incapaz para desprazarse e defenderse. Alí, a acusada tamén pelexou co seu proxenitor e deulle varios golpes, ademais de colocar encima do seu rostro un edredón e unha chaqueta para que non puidese falar.

Por outra banda, o escrito de Fiscalía sinala que a acusada padece trastorno adaptativo e á data dos feitos "non tomaba a súa medicación pautada de maneira correcta", polo que se determinou "unha afectación das capacidades intelecto-volitivas en grao leve".

Por estes feitos, a Fiscalía pide para o acusada seis anos e seis meses de prisión por un delito de homicidio en grao de tentativa, 12 meses por un delito de malos tratos domésticos e a privación do dereito á tenencia e porte de armas durante tres anos.

Ademais, demanda que se lle prohiba á acusada aproximarse a menos de 200 metros dos seus proxenitores, ao domicilio familiar e a calquera lugar no que se atope, así como comunicarse con eles.

Así mesmo, o Ministerio Fiscal ha solicitado que a acusada indemnice a cada un dos seus pais coa cantidade de 1.600 euros polos danos físicos e morais provocados.

Escucha la radioen directo

Cadena SER
Directo

Tu contenido empezará después de la publicidad

En directo

A continuación

Último boletín

Emisoras

Elige una emisora

Compartir

Suscríbete

Tu contenido empezará después de la publicidad