Luis Seara: “Estamos falando coa xente para recoller as achegas de interese e amosar as nosas”

Ourense

En primeiro lugar, e en relación coa caída dun cedro os pasados días nos xardíns Padre Feijóo, Seara lembraba a necesidade “dun modelo de cidade que permita ir colocando determinadas especies onde haga falta, xa que mitigan a calor e o impacto acústico dos vehículos. Sobre todo árbores que non xeren problemas cando medren”.

En segundo lugar, Seara quixo repasar os sete anos e medio “de parálise, dun concello que non avanza. Eu sempre quero ver o prisma positivo, queda medio ano para que remate un mandato convulso”. O líder do BNG en Ourense fixo énfase na necesidade da exposición pública do Plan Xeral de Ordenación Municipal e repasou infraestructuras que precisan “desenvolverse e sobre as que temos que dar unha resposta como cidade: como queremos que entre o AVE en Ourense, que sexa a futura intermodal, que vai pasar co espazo adxacente á praza de Abastros da Alameda”.

Doutro lado, preguntado polo presentador do Hoy por Hoy Ourense, Pepe González, Luis Seara afirmou ter na axenda “seguir no proceso de interlocución social, estamos traballando na definición do proxecto marco para o Concello de Ourense: concello da auga, en movemento, solidario, acolledor e verde”.

En relación á lista, Seara non quixo adiantar ningún nome, pero subliñou que será representativa da sociedade.