A música empeza a soar a golpe de martes na Casa de Arriba

Vigo

A Casa de Arriba arranca hoxe ás 21:15 horas a programación coa actuación de Filipe Dias, un guitarrista e compositor natural de Lisboa. Fórmase na Escola de Jazz do Porto e na Escola Superior de Música e Artes do Espectáculo da mesma cidade, onde leva desenvolvendo a súa actividade como músico nos últimos 10 anos. Neste período estivo envolvido en diversos proxectos relevantes da escena jazzística portuense.

Acompañado por Gonçalo Sarmento (contrabaixo) e Antón Quintela (batería) presenta por primeira vez un trío baixo o seu nome no cal explora as súas composicións máis recentes, caracterizadas por melodías sobrias e atmósferas contemplativas, ademais de algúns arranxos de músicas de outras autorías.