Augusto Pérez Alberti “Estou moi preocupado, a Lei do Litoral da Xunta carece dun estudo sobre a dinámica costeira dos vindeiros anos”

Santiago de Compostela

O profesor Pérez Alberti é moi respetado pola comunidade internacional polas súas investigacións, dirixiu máis dunha ducia e participou e máis dunha vintena en diversos países: Canada, Francia, Montevideo, Uruguay, Brasil, Chile, Portugal, Arxentina ou Marrocos por nomear algúns. Neste momento está a piques de rematar a tese sobre os solos do Courel e anuncia que haberá algunha que outra sorpresa.

Na entrevista en A Vivir Galicia – Cadena SER mostrou preocupación polo proxecto de Lei do Litoral da Xunta de Galicia, non entende que careza da recomendación dos científicos baseada na dinámica da costa, o clima está a mudar a unha velocidade descoñecida pola humanidade e xa temos unha costa moi activa que se vai extremar coa crise do clima, por iso lle parece inconcebible que o único empeño da administración autonómica sexa que a lei resulte útil únicamente dende o punto de vista do Dereito. “Teño a impresión de que é maior a preocupación por legalizar obras, por manter certas actividades no litoral, que en podelas manter tendo en conta que o mar come a costa galega”.

O catedrático galego foi recoñecido en 2002 co Premio Trasalba polo seu labor cultural e galeguista, ten máis dunha ducia de libros, 350 publicacións e unha viaxe a Antártida no ano 2018 para estudar a dinámica paraglaciar.