Pon a proba o teu galego coa app Ximnasio Léxico

A Coruña

A Real Academia Galega e a Fundación Barrié presentaron esta mañá Ximnasio Léxico, unha aplicación para iPhone e Android que xa está dispoñible para a súa descarga. Ximnasio Léxico, que está baseada no dicionario da RAG, é unha app tipo xogo coa que a institución académica busca que aprendamos ou afiancemos o noso galego. Únese así ao resto de recursos que contribúen á divulgación do idioma propio e que forman parte do Portal das Palabras, que este ano cumple unha década en funcionamento. "A consolidación dun idioma do e para o século XXII", afirmou o presidente da RAG.

Victor Freixanes estivo acompañado da directora da Fundación Barrié, Carmen Arias, quen explicou que este proxecto remóntase a dous anos atrás debido ás dificultades técnicas que supuxo o seu desenvolvemento. O resultado, unha app "intuitiva e accesible para todos os públicos", con varios tipos de xogos, como o aforcado ou as sopas de letras. Son varios os niveis de dificultade polos que iremos pasando a medida que avancemos nos mesmos.

A app foi testada, ademais de por académicos e desarrolladores, por alumnado de distintos centros educativos co obxectivo de buscar posibles fallos antes do seu lanzamento. Ademais, co inicio do curso escolar a RAG realizará unha campaña específica de difusión nas escolas e intitutos, xa que o seu presidente considéraa como unha ferramenta "fundamental" como complemento das clases.