Impulso aos polígonos de Cee e Vimianzo e máis solo na Laracha

Cee

Solo Empresarial do Atlántico (SEA) autorizou esta mañá a venda de varias parcelas nos polígonos industriais de Cee e Vimianzo. En conreto serán tres parcelas no polígono ceense e unha no soneirán, ademáis de parobar a concesión en dereito de superficie de catro solares máis neste último.

No caso de Cee a venda afecta a tres parcelas por valor de 390.000 euros e será destinada a reubicar Cash Record, negocio instalado hoxe en día en pleno casco urbán. No tocante ao parque de Vimianzo douse luz verde á venda dun solar por valor de 56.000 euros, pero tamén se aprobou a concesión en dereito de superficie con dereito a compra doutros catro espazos. O adxudicatario aboará un canon anual que supera lixeiramente os 1000 euros durante as dúas primeiras anualidades. Nos dous seguintes o prezo subirá a 1.700 para pagar 2.400 o resto de exercicios ata acadar os 30 anos.

Na Laracha SEA autoriza a licitación e contratación da ampliación, una actuación necesaria xa que a día de hoxe o 80% do polígono está ocupado. Neste concello existe unha crecente demanda de solo industrial polo que a ampliación de 316.000 metros cadrados aliviará esa necesidade.