Vimianzo seleccionado novamente para desenvolver unha iniciativa sobre alimentación e cambio climático a nivel europeo

Costa da Morte

O Concello de Vimianzo foi seleccionado por segunda ocasión para participar no proxecto ‘Food Wave’ liderado polo Concello italiano de Milán e cofinanciado pola Comisión Europea. O obxectivo principal é involucrar á mocidade de 16 a 35 anos para que modifiquen os seus hábitos e promover activamente o cambio cara sistemas alimentarios inclusivos como parte da estratexia para minorar o cambio climático.

As vías para chegar a eles serán os eventos gastronómicos festivos, os centros educativos e as asociacións. Para logralo promoveranse un conxunto de faladoiros, talleres e seminarios baseados no poder ecolóxico do consumidor de alimentos.

Tomarase tamén en consideración a producción local de alimentos e hortos familiares para autoconsumo co fin de promover o cultuvo e uso destes alimentos na elaboración de dietas saudables e sustentables, seguindo a filosofía quilómetro 0.