Lourenzá celebra a súa Festa da Faba con moita xente, pero pouco produto
A XXXI Festa da Faba de Lourenzá pecha con éxito na parte festiva, pero os produtores enfrontan unha colleita baixo mínimos polas altas temperaturas
Repaso á XXXI Festa da Faba de Lourenzá, marcada pola forte baixada da produción
10:17
Compartir
El código iframe se ha copiado en el portapapeles
<iframe src="https://cadenaser.com/embed/audio/460/1696247919032/" width="100%" height="360" frameborder="0" allowfullscreen></iframe>
Lugo
Éxito de afleuncia na Festa da Faba de Lourenzá, que celebrou a súa trixésimo primeira edición con novidades coma o Faba Fest. Foi un dos puntos fortes da programacion deste ano, segundo o concelleiro de cultura, Manuel Arango, que asegura que "estivo a tope". Tamén destaca o recordo que tiveron do autor homenaxeado este ano polas Letras Galegas, Fernández del Riego. En Lourenzá non quixeron deixar pasar a oportunidade de recrear, a través do actor Xulio Leal, o pregón que o escritor recitou hai 25 anos para inaugurar a cita.
De todo isto falou no Hoy por hoy Lugo, onde Manuel Arango desvela tamén sobre o segredo do éxito do faba de Lourenzá, que "absorve o sabor de todo o que lle botes". Ademais repasamos os mellores acompañamentos para un dos produtos estrela da Mariña lucense e falamos cos produtores, que recoñecen estar preocupados pola baixa produción que tiveron este ano.
Este ano a faba esgotouse moi rápido, pola pouca produción que houbo
No aspecto festivo o balance é moi positivo. Tamén para os produtores, que celebran a cantidade de xente que acudiu, axudada polo bo tempo que deixou a fin de semana. Pero as altas temperaturas que animaron a veciños e visitantes a acudir á cita son as mesmas que mermaron a cantidade de faba que houbo á venda nos stands. Para eles a festa remata con sabor agridoce: esta ano a colleita reduciuse á metade do habitual. Ángel, de Fabas Maruxa, explica nos micrófonos de Radio Lugo que é moi difícil atopar faba, sobre todo verde, porque as altas temperaturas e o sol fan que seque no campo e demóstrao alegando que "a mediodía do domingo xa vendera todo o xénero, e os meus compañeiros tamén".
Nesta edición da Festa da Faba o prezo subiu entre un e dous euros, pero "en ningún caso compensa a caída tan grande da produción que tivemos", asegura Pepe, da Cooperativa Terras da Mariña. Para el este ano trátase de "sobrevivir, e evitar perdas", pero pronostica tamén que hai explotacións que o van pasar mal porque non van poder cubrir gastos. "Isto pon en cuestión a viabilidade da produción de cara o futuro", sentencia.
A pesar de todo o balance da data é positivo, e amósanse satisfeitos pola resposta que tivo a xente ante a subida do prezo. Entenden que non gusta, pero aínda así quixeron levala para a casa e mesmo esgotaron as existencias porque "a calidade da fama de Lourenzá segue sen ter comparación, e ninguén quere quedar sen ela".
