Sociedad

'Arquitecturas da memoria', unha aplicación móbil para pasear por Lugo coas costureiras da Ulloa

Contén unha serie de audios xeolocalizados que só se poden escoitar ao achegarse a determinados puntos da cidade

Esta aplicación móbil lévate de paseo por Lugo mentres escoitas ás costureiras da Ulloa

Esta aplicación móbil lévate de paseo por Lugo mentres escoitas ás costureiras da Ulloa

10:20

Compartir

El código iframe se ha copiado en el portapapeles

<iframe src="https://cadenaser.com/embed/audio/460/1715939236998/" width="100%" height="360" frameborder="0" allowfullscreen></iframe>

'Arquitecturas da memoria' é unha aplicación móbil que nos permite pasear polas rúas de Lugo dun xeito diferente, en compañía de máis de 30 costureiras da comarca da Ulloa. O proxecto, que busca vincular as cidades coa memoria das persoas que as habitaron, xorde na Aula das artes da Universidade Carlos III de Madrid, que chega a Lugo da man do proxecto 'Corcosendo' e foi desenvolta polo Colectivo Agrocuir e a Cooperativa Indaga. Preséntase este sábado, ás doce da mañá, na Deputación de Lugo.

Más información

O que propón é un percorrido polo centro, onde se atopan as rúas máis comerciais, guiados por unha ferramenta sinxela que nos presenta un mapa con puntos sinalados. Ao achegarnos a eles, permite escoitar un fragmento das entrevistas ás costureiras. "A idea é poñer en diálogo o novo imaxinario vinculado á costura e á moda, propio do capitalismo, e os recordos destas artesás", explican dende os colectivos que a impulsan.

"Escoitar as memorias do oficio da costura nas voces das súas protagonistas ofrécenos o privilexio de entrar nun mundo moi rico, dunha forma ínmita", explican na presentación do proxecto. Carlos López forma parte dos dous colectivos e participou na elaboración da app. "A peculiaridade desta proposta", sinala, "é que temos que ir desplazándonos para podes escoitar os audios, e isto permítenos movernos por unha cidade vendo como está nese momento, como soa e que se ve, pero ao mesmo tempo cuns cascos escoitar unha pequena memoria que nos remite ao pasado".

O que se busca é trasladar aos usuarios que accedan a ela que "no presente hai moitas capas que nos remiten ao pasado, capas dunha arqueoloxía ou de sedimentos que van quedando". Pero non con respecto á historia institucional e coñecida por todos, matiza, senón á "historia en minúsculas, que nos poden contar as nosas e os nosos maiores, que podemos escoitar nun relato, nunha anécdota ou nunha canción".

Cun teléfono móbil e uns cascos 'Arquitecturas da memoria' permítenos visitar "os comercios e as rúas onde antigamente había moita actividade relacionada co textil, poñéndoo en relación cos relatos e os recordos das costureiras dunha comarca que ten unha realidade diferente, pero que está próxima, e que é a comarca da Ulloa". Dete xeito, explica, ao que se invita é a reflexionar e a mirar o presente e a cidade de Lugo dende outra perspectiva e a reflexionar sobre a relación que temos hoxe en día coa vestimenta e a moda.

Como funciona a aplicación?

Para acceder á experiencia que presenta 'Arquitecturas da memoria', o primeiro é descargar a app de xeolocalización de audios no teléfono móbil. Ao abrila aparece un buscador no que hay que escribir 'Corcosendo', e o primeiro resultado é o percorrido elaborado para este proxecto. Aparece ao pinchar nel un mapa de realidade aumentada que detectará a xeolocalización do teléfono e, conforme se desplaze e se vaia achegando aos lugares coloreados, permitiranos escoitar os testeumos orais das costureiras.

Desta forma non só se dan a coñecer lugares e comercios emblemáticos da cidade, senón que a través das anécdotas e as vivencias das mulleres entrevistadas adquiren unha nova dimensión. Ademais, cada audio está seleccionado e vinculado a un punto concreto, así que a relación que se establece entre ambos fai reflexionar sobre como se transformou no tempo e o oficio e a relación que temos coa vestimenta e o mundo da moda.

Sigue el canal de la SER en WhatsApp
Encontrarás toda la información, el deporte y el entretenimiento: la actualidad del día y las noticias de última hora, los mejores vídeos y momentos de la radio, entrevistas, reportajes y mucho más.

Suscríbete ahora
 
  • Cadena SER

  •  
Programación
Cadena SER

Hoy por Hoy

Àngels Barceló

Comparte

Compartir desde el minuto: 00:00