Luisa Villalta contará co seu propio mural no paseo marítimo de A Coruña

Luisa Villalta, a autora homenaxeada polas Letras Galegas, contará co seu propio recoñecemento no paseo marítimo da Coruña, cun mural de gran formato á altura das Lagoas. A artista Lida Cao comezará hoxe mesmo a pintalo, xusto á beira do Hércules e mirando cara o mar. Explicounos que medirá 36 metros cadrados, uns 7 de longo aproximadamente, e tardará polo menos unha semana en terminalo. O vindeiro venres espera que poidan velo xa todos os paseantes.

É unha iniciativa promovida polo Concello en colaboración con Gadis. No mural poderase ver a Villalta sobre unha pila de libros, en relación á súa faceta de escritora, e un retrato dela acompañado dun pentagrama baleiro, símil de todo o que aínda está pendente de escribir, segundo Cao. Todo iso en tons azuis, para simbolizar o mar, e laranxas.