"Chegamos ao partido de Copa nun estado de confianza moi alto, no mellor momento posible para pasar a eliminatoria"
Jorge Cuesta confía no factor motivación para superar ao Marbella na Copa do Rei
El código iframe se ha copiado en el portapapeles
Entrevista Jorge Cuesta 30102024
Carballo
O Bergantiños recibe ao Marbella na primeira eliminatoria da Copa do Rei. O adestrador dos de Carballo confía en que o bo momento no que está o equipo na liga e a motivación de xogar contra un rival de categoría superior sirvan para da a sorpresa e pasar a eliminatoria. Sabe que non será doado ante un conxunto que ocupa a terceira posición da táboa da 1ª RFEF.
Cuesta dará descanso a algún xogador pensando no próximo partido de Liga ante o Valladolid Promesas. Para o encontro desta tarde contará con tódolos xogadores a excepción dos lesionados Canedo e Cristian Moreno.
Para o míster do Bergantiños a clave está en manter a efectividade que están tendo en liga e evitar cometer erros en defensa, unha das materias pendentes do equipo en liga.
O encontro será ás 19:30 horas no municipal das Eiroas e tamén pode seguirse en Carrusel Deportivo da Cadena SER.
